منتديات مجرد إنسان
اُهًــــــــــلاً بـُــــــــكُ فـِـــــــيِِِ مُـــــــنًـــــــتــًـــــدٌيـًــــــــــــــاتًـــــــ

ﬗ▁▂▃▅▆▇★☀️二【«منتديات مجرد إنسان»】二☀️★▇▆▅▃▂▁ﬗ
ديسمبر 2017
الأحدالإثنينالثلاثاءالأربعاءالخميسالجمعةالسبت
     12
3456789
10111213141516
17181920212223
24252627282930
31      

اليومية اليومية

دخول

لقد نسيت كلمة السر

المواضيع الأخيرة
» اغانى مهرجانـــــــــــــــات
الإثنين مايو 06, 2013 1:01 am من طرف e.s.s.o

» اغانى مهرجانـــــــــــــــات
الإثنين مايو 06, 2013 12:55 am من طرف e.s.s.o

» اغانى مهرجانـــــــــــــــات
الإثنين مايو 06, 2013 12:53 am من طرف e.s.s.o

» اغانى مهرجانـــــــــــــــات
الإثنين مايو 06, 2013 12:52 am من طرف e.s.s.o

» اغانى مهرجانـــــــــــــــات
الإثنين مايو 06, 2013 12:51 am من طرف e.s.s.o

» اغانى مهرجانـــــــــــــــات
الإثنين مايو 06, 2013 12:50 am من طرف e.s.s.o

» اغانى مهرجانـــــــــــــــات
الإثنين مايو 06, 2013 12:49 am من طرف e.s.s.o

» اغانى مهرجانـــــــــــــــات
الإثنين مايو 06, 2013 12:46 am من طرف e.s.s.o

» اغانى مهرجانـــــــــــــــات
الإثنين مايو 06, 2013 12:41 am من طرف e.s.s.o

» اغنى مهرجانات
الإثنين مايو 06, 2013 12:38 am من طرف e.s.s.o

» اغانى مهرجانـــــــــــــــات
الإثنين مايو 06, 2013 12:36 am من طرف e.s.s.o

» اغنى مهرجانات
الإثنين مايو 06, 2013 12:31 am من طرف e.s.s.o

» السيرة الذاتية لمحمد قؤاد
السبت فبراير 16, 2013 6:14 am من طرف جوا الروح

» مهرجان اسلام ميكو وفرقة بحرية مهرجان مجرد انسان
الخميس يناير 10, 2013 6:58 pm من طرف e.s.s.o

» برنامج صوت الحياه تقديم هاني شاكر وسميره سعيد وحلمي
الجمعة يناير 04, 2013 6:05 am من طرف Admin

بحـث
 
 

نتائج البحث
 


Rechercher بحث متقدم

المتواجدون الآن ؟
ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر

لا أحد

[ مُعاينة اللائحة بأكملها ]


أكبر عدد للأعضاء المتواجدين في هذا المنتدى في نفس الوقت كان 334 بتاريخ الإثنين أكتوبر 03, 2011 11:39 pm
دردشه وشات مصرى

مأكولات مصرية

استعرض الموضوع السابق استعرض الموضوع التالي اذهب الى الأسفل

مأكولات مصرية

مُساهمة من طرف الهام ظاظا في الأربعاء مارس 31, 2010 7:56 am






الارانب البانية

المقادير:
ارنب مقطع و مدعوك جيدا بالدقيق ثم يغسل جيدا بالماء _ بصله متوسطة _ملح و فلفل ناعم
_2 فص مستكة و 2 فص حبهان
2 بيضة _بقسماط ناعم _زيت للقلى
ضعى ماء فى حلة مضاف له ملح و بعد ان يغلى الماء ضعى الارنب فى الحلة
حتى تغلى الماء غلوة .
*نشيل الا رنب من الماء ونكب هذا الماء فى الحوض لانه بيكون زفر
*نضع حلة على النار بها ملعقة سمن و2 فص مستكة و 2 فص حبهان
لمدة ثانية و ريحتهم حتطلع اضع الارنب يادوب تشويحة ثم اصب علية ماء مغلى نظيف
وبه بصلة مقطعه نصين و ملح و نتركة حتى يستوى و ذ لك بوضع بوز السكينة او شوكة
اذا كان لحمه جامد يبقى لسه سيبيه لحد لما تلا قى لحمة طرى يعنى استوى
*طلعى الارنب من الشوربة وحطية فى طبق لحد ما يبرد خالص
اضربى البيضتين كويس بالشوكة مع اضافة زرة ملح و فلفل اسود ناعم
*ضعى قطع الأرنب فى البيض قطعة قطعة ثم على طول فى البقسماط
*بعد ما تخلصى الكمية سخنى الزيت على النار ثم ضعى القطع الى ان يتحمر الوجه
اقلبى بالشوكة
على الوجه التانى يحمر برضه و بعدين تشيلية على ورق خاص بامتصاص الزائد
من المادة الدهنية
و بالهناء و العافية ,
,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,, ,,,,,,,

الارانب المحمرة

نفس الطريقة السابقة الى ان يستوى الارنب ونطلعه من االشوربة فى طبق
نسخن الزيت و نحمر الارنب .

للحصول على اظبط كيكة

طبعا علشان حجم الكوبايات بيختلف اثناء تنفيذ اى صنف حلو فللخروج من هذة المشكلة اثناء عمل الكيكة
استخدمى الميزان و تجهزى كل المقادير على وزن البيض بمعنى انك لو حتعملى قالب كيك طويل المقاس الصغير
فهو بياخد 3 بيضات يبقى توزنى ال3 بيضات وبعدين نفس الوزن سكر و نفس الوزن دقيق و ملعقة صغيرة بيكنج بودر
و كيس فانيليا ووزنهم زبدة .تمام ..
ولو الفورمة اللى مخرومة من النص يبقى توزنى الاول 5 بيضات و بعد كدة كلة نفس الوزن,,


كفتة الفراخ

المقادير
فرخة مسلوقة تقطع قطع صغيرة _حبة بطاطس كبيرة مسلوقة _بصلة متوسطة _
3 فصوص ثوم _حزمة بقدونس _2
بيضة _ملح – فلفل اسود ناعم _بقسماط _
زيت للقلى .
الطريقة
تسلق الفرخة و تخلى تماما من العظم - تقطع قطع صغيرة تخلط جميع المقادير معاً جيداً فى الكبة
- نبل ا يدينا بالماء حتى لا تلتصق بها العجينة اثناء العمل و نأخذ من خليط الفر خة المضروبة فى الكبة و نشكلها
اصابع او اقراص مثل البورجر
- نضع الأقراص فى البقسماط مباشرة بدون بيض لأن الكفتة بها بيض ثم نقليها فى الزيت و لما تحمر
نشيلها على ورق ماص للمادة الدهنية
و بالهنا و العافية

انا هقولكم يا اولاد طريقه بطاطس باللحم والكمون هائله
تجيبى بصله كبيره وتقطع صغيرويوضع عليها ملح وفلفل وتترك شويه نفرم خمس
حبات ثوم ثم نضع شويه زيت ذره فى حله تيفال
وعلى النار نبدا بوضع البصله ثم الثوم ثم كثير من الكمون ونضيف قطع من اللحم
مقطعه صغير تترك لتستوى مع اضافه حبه حبها وورق لوروا
مع اضافه ماء عند الزوم لما تستوى اللحم نضيف مكعبات البطاطس وتترك حتى تنضج اعملى كميه كبيره عشان
هتتخانقوا عليها
(الكمون اهم حاجه)
ملوخية بالارانب
يتنضف الارنب زي ما قلتي ويتقطع 6قطع ويتسلق في ماء وبصلة وهيل عدل(حبهان )وقرنفل وفص ثوم وملح وبعدين يتصفى
ونحط الملوخية المفرومة
(المخرطة)ونص طمطمايه مفرومة ناعم وتترك تقلب قلبتين ونكون داقين ثوم مع قرن فلفل حار وكزبرة مفرومة خضراء
وتتقلى في شوى زيت اوسمنة وتطشيها على الملوخية
صينية دجاج بالخضار فى الفرن
المقادير:
فرخة مغسولة بالدقيق والملح ثم بالماء كويس _ عدد 3 حبات بطاطس _3 حبات بصل _ 3 حبات فلفل رومى _ملح _فلفل اسود ناعم _
كمون _بهارات فراخ _كزبرة ناشفة _زيت
الطريقة :
قطعى البطاطس و البصل و الفلفل الرومى حلقات متوسطة
اخلطى الملح و الفلفل و البهارات و الكمون و الكزبرة
مع بعض ثم حطيهم على الفرخة و افضلى قلبيهم مع بعض كويس
هاتى الصينية و ادهنيها كويس زيت ثم حطى شوية خضار ثم رصصى اجزاء الفراخ
ثم ضعى باقى الخضار وو ضبى الخليط كدة بأيدك
ثم ضعى حوالى 2 ملعقة زيت
غطى الصينية بورق فويل و دخليها الفرن حوالى 1 ساعه
او ازيد نص ساعة لحد ما تبصى عليها و تنغزى الفراخ بالسكينة
تلا قيها استوت شيلى الفويل وسيبيها 5 دقايق
يادوب تاخد لون من فوق و حيكون فيها
شويه صوص
بالهنا و العافية

الملوخية الخضراء
المقادير :
نص كيلو ملوخية تقطفيها من العيدان ثم تحطيها فى مصفاة و تغسليها كويس جدا لحد ما الطين كله ينزل و تبقى المياة نضيفة
افرشى جرنال فى الهواء و افرشيها علية لحد ماتنشف بس ابقى قلبيها بايدك و بعدين تخرطيها بالمخرطة ناعم .
2 كوب شوربة اى نوع عندك ارانب او فراخ او حتى ماجى (2مكعب) ثوم مهروس _ كزبرة ناعمه_ ملح
الطريقة:
اغلى الشوربة كويس جدا (ابقى اظبطى الملح)
ثم خدى منها ملعقتين فى طبق صغير و الملوخية المخرطة و قلبيهم جامد لحد ما الملوخية تفك
ثم حطيها مع باقى الشوربة على النار
والنار مش عالية فى طاسة صغيرة حطى ملعقة سمن اما تسيح حطى الثوم المهروس حوالى ملعقة كبيرة لما يصفر حطى الكزبرة
حوالى نص ملعقة كبيرة مليانة يادوب تقليبة و روحى طشاهم على الملوخية تقليبة واحدة و اطفى النار و غطيها و بالهنا و الشفا



الارز المعمر........................ ........................( فية حد بيحبة )

(النوع الحلو)
المقادير :
كوب و نص سكر _ كوب و نص ارز _قالب زبدة صغير (113 جرام) _3 و ربع كوب حليب_
جوز هند.
الطريقة
يغسل الارز و ينقع فى ماء حوالى ساعتان
نضع فى صينية الحليب و السكر و الارز و جوز الهند و نقلبهم بالملعقة على نار متوسطة لحد ما اللبن يغلى نضع الزبدة ونوطى النار
و كل شوية نقلبهم لحد ماتلاقى الزبدة طلعت على وش الصينية تطفى النار و تحطية فى الفرن لحد ما يكمل السوى يحمر
وش الصينية
لما يبرد تقطعية مربعات و بالهنا و الشفا


كفتة داوود باشا

المقادير :
( الكفتة ) نص كيلو لحمة مفرومة حمراء _ بصلة متوسطة مبشورة _ملح فلفل _بهارات لحم .
( الصلصه) 2 ملعقة كبيرة صلصة طماطم _ماء _ نص ملعقة كبيرة توم مهروس _ سمن للتحمير .
الطريقة:
تخلط كل المقادير مع بعض تماما
ناخد قطعة لحم اد الليمونة و نكورها بين ايدينا على هيئة كورة
وهكذا نستمر حتى ينتهى المقدار كله
نحضر مقلاة تيفال ونضع فيها سمنة الى ان تسخن ثم نحمر الكفتة
بعد ماتتحمر نشيلها فى طبق جانبا
نحضر حلة نضع بها حوالى نص كوب من السمن الباقى من تحمير الكفتة
ونضع الثوم المهروس الى ان يصفر
ثم اضع الصلصة و الماء و ملح وفلفل الى ان تغلى
اضع الكفتة فى الصلصة الى ان تستوى حوالى ربع ساعة
تؤكل مع ارز ابيض و بالهنا و الشفا
طريقة للتقديم ...........
بكبشة مخرمة تشيلى الكفتة من الصلصة و تحطيها فى قعر طبق ثم تحطى عليها مقدار من الارز ثم نبطط بضهر الملعقة كويس
ثم نقلبة فى سيرفيس ا لتقديم و بجا نبة طبق الصلصة


بسبوسة
المقادير
2 كوب سميد ناعم
1 كوب جوز هند
باكيت زبده او 3 ملعقه كبيره
نص كوب سكر ناعم
ذره ملح
ملعقه صغيره بودر
كوب زبادى كبير او لبن رايب
الطريقه
يدعك الزبد والسكر جيدا ولفتره 10 دقائق ثم يضاف السميد وجوز الهندوالزبادىوالبودرودره الملح وتعجنى بيدك بشكل دائرى
فى طبق واسع
ثم ادهنى صينيه بزبده او طحينه وتترك نصف ساعه ثم تدخل الفرن متوسط الحرارهوالموقد قبل ثلث ساعه
الشربات
كوب سكر مع كوب ونصف ماء ونصف ليمونه يغلو مده 5 دقائق
السر فى طراوة البسبوسه هوووووووووووووووووووووووانالشر بات ساخن على الصينيه وهىكمان ساحنه ولما تبرد
قطعيها وادعيلى

انا حقولك سر كمان ....ان البسبوسة لازم تتسقى فعلا بالشربات الساخن و هى سخنة وما يكنش على اد الصينية لا ازيد شوية
و هى بتشربة كلة
ثم تغطيها فورا ضرورى و ماتشليش الغطاء من عليها الا لما تهدا خالص او تبرد لانها لما بتعرق و هى سخنة بتطرى اكتر (تعقيب من دون)



صينية البطاطس


كيلو بطاطس _ نص كيلو طما طم _ ( او 3 ملعقة كبيرة صلصة مذ ا بة فى ماء ) _ملح _ فلفل _ بصلة متوسطة _ 2 ملعقة سمن _
قطع لحم حسب العدد المطلوب _ 3 فصوص ثو م _ عدد 2 حبة طماطم شرا ئح
الطريقة
_ تغسل البطا طس و تقطع حلقا ت متو سطة التخا نة
_يقشر البصل و يقطع حلقا ت متو سطة
_ تغسل قطع اللحم و تو ضع فى الصينية تو ضع البطاطس و الملح و الفلفل و الثوم و الصلصة
و نرصص حلقات الطما طم على وجه الصينية ثم نوزع السمن على الوجه
_ نضعها الاول على عين البوتجاز من فو ق الى ان تستو ى نص سو ا
_ مع تز و يد قليل قليل من الماء كلما ا حتا جت
_ نضعها فى فر ن متو سط الحر ار ة الى ان تستوى و يصبح لونها احمر جميل
و با لهناء و الشفا ء
ملحوظة ::: اذا كا نت اللحمة بتلو او ضا نى تو ضع كما شرحت فوق
واذا كانت اللحمة كندوز يفضل ان تسلق اولا لوحد ها ثم تو ضع فى الصينية كما شر حنا فوق


لقمة القا ضى


2 كوب دقيق _1 ملعقة صغيرة سكر _¼ كوب زيت _ ملعقة كبيرة خميرة فورية _ كوب زبادى _1 بطاطس صغيرة مسلوقة و مهروسة _
ذرة ملح _ زيت للقلى _ شربات .قليل من الماء.
الطريقة:
_ جهزى المضرب الكهرباء
_ ضعى فى طبق غويط بلا ستيك الدقيق، الملح، السكر والخميرة. و اخلطيهم مع بعض بالملعقة
_ حطى عليهم الزيت ,و الزبادى و البطاطس،و شوية شوية ماء وشغلى الى ان تحصلى على عجينة طرية.
_غطى العجينة واتركيها فى مكان دافئ لمدة ساعة تقريبا ليتضاعف حجمها.
. سخنى زيت فى مقلاية عميقة.
_بملعقة صغيرة بليها بزيت ثم خدى من العجينة بالملعقة يادوب كرة صغيرة ثم ضعيها فى الذيت الساخن
قلبى بالكبشة لحد ما تصفر
حطيها فى مصفاة تصفى منها الذيت ثم حطيها فى العسل البارد
و بالهنا و الشفا .
ملحوظة : اذا كنتى مش حتستعملى خميرة فورية و حتستخدمى خميرة بيرة عادية يبقى ضعى الخميرة و السكر و ربع كوب ماء دافىء
فى كوب و قلبيهم بالملعقة وسيبيهم شوية يخمروا و بعدين اتبعى نفس الطريقة اللى فلنا عليها



( جمبرى بالكارى )المقادير :
جمبرى مقشر ومتنظف ( وحقولك تنظيفة ازاى)_ بصلة صغيرة _ حوالى 2 ملعقة اكل ز يت _ملح _2 ملعقة كبيرة كارى
و ممكن 3 لو بتحبى حراق .
ضعى الزيت على النار الى ان يسخن
اضع البصلة المخرطة ناعم و اقلب لحد ما تصفر
اضع الكارى ووراة الجمبرى و اقلب حيتخلطوا ببعض ثم اضع ماء حسب كمية الجمبرى يعنى تغطى الجمبرى فقط و الملح
حيغلوا وعلى فكرة حيستوى على طول الجمبرى ما بياخودش ربع ساعة
بالنسبة للارز اعملية عادى بس قبل ما يشرب الماء بتاعه حطى ملعقة كبيرة كارى
فى الما ء ( او ) ملعقة صغيرة كركم عشان يبقى لونه اصفر
فكرة للتقديم .
اما تضعى طبق الارز لوحدة و طبق الجمبرى بالكارى لوحدة . او بالكبشة المخرمة تشيلى الجمبرى من الصوص و تحطية فى قعر الطبق
ثم تضعى الارز علية و تكبسى جامد بظهر اللعقة ثم تقلبية فى السرفيس و ترش رشى شوية صوص كارى على الوش و الباقى
تحطية فى طبق جانبى يقدم مع سلطة ذبادى و بالهنا و الشفا


طريقة تنظيف الجمبرى امسكى الجمبرياية فى ايدك و بالايد التانية سكينة.
ببوز السكينة الرفيع اعملى خط فى ظهر الجمبرى حتلاقى خط اسود تشيلية ترمية
دة بيكون الرمل اللى لحسة الجمبرى من الماء
و لو انتى متمكنة اعملى فتحة صغيرة فى اول الظهر و امسكى اول طرف الخط بتاع الرمل و اسحبية لفوق حيطلع معاكى على طول

سلطة الزبادى

زبادى _ 2فص ثوم ناعم جدا _نقطتين خل نقطتين عصير ليمون
قلبى الزبادى بالملعقة كويس حتلا قية بقى ناعم ضعى علية الثوم والخل و الليمون و زرة فلفل اسود ناعم تقلبى كلة بالملعقة
و تصبية فى الطبق . ممكن تزوقية بحلقات خيار او تحطية فيها شرائح رفيعة خيار و ممكن رشة نعناع

الجمبرى البانية
جمبرى مقشر و نضيف _ 2 بيضة _بقسماط ناعم _ربع كوب حليب _ ملح و فلفل
_ اضربى البيض بالشوكة وضعى علية الحليب و الملح والفلفل .
_ ضعى الجمبرى فى البيض و اخلطية كلة مع بعض
شيلى الجمبرى واحدة واحدة و ضعيها فى البقسماط
سخنى الزيت فى مقلاية على النار
و حمرى الجمبرى على الوجهين حيبقى لونة زهبى حلو
شيلية على ورق ماص للدهون و بالهنا و الشفا
ملحوظة :
ممكن تمسكى الجمبرياية بايدك و تدخلى خلة رفيعة بتاعة الاسنان من فوق لحد نهايتها حتلا قى الجمبرياية كأنها واقفة مفرودة مش مقوسة
و تروحى محمراها عادى بالخلة . وعند الاكل تمسكيها من الخلة و تسحبيها فى بقك و بالهنا و الشفا

كباب حلة
اللحمة حسب الكمية اللى انتى عيزاها يعنى كيلو او اكتر او اقل .
لحمة مغسولة و مقطعة مكعبات __ ملح و فلفل __رشة بهارات لحمة __ بصلة متوسطة مبشورة او بصل قاورمة ( الصغير قوى )
سليم زى ما هو_ ملعقة كبيرة سمن __فصين مستكة و فصين حبهان __ فحم (حوالى 2 قطعة كبيرة ) فوطة مطبخ نظيفة .
_ ضعى السمن فى حلة على النار الى ان يسخن ثم اضع البصل الى ان يصفر ثم اضع الحبهان و المستكة ثم اضع اللحمة و اقلب كلة كويس قوى
لحد لونها ما يتغير و يتحمر شوية و تشرب مايتها
افضل ازود شوية ماء فى شوية ماء لحد ما تستوى و تشرب مايتها
فى هذه الاثناء اكون ولعت الفحمة و احمرت خالص
ازيح بالملعقة اللحمة على الاجناب و فى النص اضع الفحم المولع بسرعة و اضغ غطاء الحلة بسرعة قبل الدخان ما يطلع برة ثم
اغطى الحلة تماما بالفوطة لمنع خروج اى دخان تترك مغطاة حتى موعد الاكل تقدم مع ارز ابيض و سلطة طحينة و بالهنا و الشفا

( الحمام المحشى حمام بعدد افراد الاسرة او حسب الرغبة) .
كوب أرز _ أو حسب عدد الحمام
ملعقة صغيرة فلفل أسود
ملعقة صغيرة ملح _ بهارات _ ملعقة كبيرة كمون .
الكبد والقوانص بتاعة الحمام (بعد تقطيعهم لقطع صغيرة)
بصلة كبيرة أو بصلتين متوسطتي الحجم
ورق لورا _ 2 فص حبهان _ 2 فص مستكة _ 2 ملعقة كبيرة سمنة
(سمن و زيت للتحمير )
الطريقة:
- قومي بخلط البصل مع الملح والبهار والكمون والفلفل الأسود
- قومي بإضافة الكبد والقوانص المقطعين إلى الخليط
-اغسلي الأرز
- ضعي الخليط كله على الأرز مع السمنة و اخلطية كويس
- أبدأي بحشو الحمام واحدة واحدة
من الأسفل ومن عند الرقبة فوق (بشرط انك ما تمليش الحمامة بالحشو لأن الأرز يينفش وبيزيد فى الماء اثناء السلق
- اقفلى الحمام المحشي بوضع الرجلين فى الفتحة اللى تحت او خيطية بابرة و فتلة)
- ضعي الحمام في ماءمغلى وبصلة صغيرة وأوراق اللورا و ملح و كمون. مع ملاحظة ان تكون الحلة كبيرة عشان لو الحلة صغيرة على الحمام
ممكن رجلين الحمام يقطع الحمام اللى جنبه على النار
-بعد ما يستوى نص سوا بنشيلة من الشوربة و نشوحة فى حلة تانية فيها ملعقة سمنة و الحبهان و المستكة ثم نصب عليهم الشوربه لحد ما
الحمام يستوى
- بعد السوى تشيلية بالراحة فى طبق لحد ما يبرد
-ثم تحمرية فى مقلاية بها زيت و سمن
و بالهناء و الشفا



حابدء شوية شوية فى الحاجات اللى تحطيها فى الفريزرتنفعك تطلعى منها وتطبخى على طول
اللحوم
بالنسبة للحمة المفرومة ممكن تعصجيها و حقولك ازاى ؟؟ وبعد ماتبرد تعبيها فى اكياس نايلون و تحطيها فى الفريزر
( عشان الصوانى _ المكرونة و الكوسة و المسقعة والخرشوف و البطاطس المحشية......الخ) يعنى الكيس الواحد يعمل صينية واحدة
أو يتبل بالبصل و الثوم و الخضرة و التوابل و تشكلية زى ما انتى عايزة (مثل الكفتة) اما كور لداوود باشا او صوابع للشوى او صينية او بانية
وذلك بعد عمل الكفتة تر صصيها جنب بعض فى طبق فل و تحطى الطبق فى كيس نايلون
،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،
بانسبة البفتيك و الفراخ البانيه نتبلها و نحطها في أكياس في الفريزر ولما نخرجها اما نضعها على طول فى بيض و بقسماط و نحمرها
او نحطها زى ماهيا فى صينية وتبقى صينية لحمة بالبصل او فراخ بالبصل .
،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،
-الفراخ المخلية من العظم ممكن تحشيها مثلا بالخضروات و تلفيها فى ورقة فويل و تحطيها فى الفريزر ولما تخرجيها على السوى على طول .
الحمام
ينظف جيدا و يتبل و يوضع فى طبق فويل فى الفريزر و لما تطلعية تعملية صينية كولبست.
السمــــــــــك
تنظف جيدا و تتبل و توضع في الأكياس ثم توضع في الفريزر حتى الاستعمال تخرجية و تحطية فى الدقيق و تقلية فى الزيت.
-اما السمك البانية مثل( فيلية البلطى او قشر البياض) تتبلية بس و تحطية فى كيس نايلون .ولما يطلع تحطية فى بيض و بقسماط

كيكة الشيكولاته والقرفة
2.5 كوب دقيق
2 ملعقة زبدة
1 كوب سكر
5 بيضات
3 /4 كوبلبن
3 ملاعق كبيرة كاكاو
2 ملعقة صغيرة قرفة
1 ملعقة بيكنج بودر
شربات
الطريقة:
يخفق الزبدة + السكر جيدا حتى يصبح ناعم وفاح اللون زى الكريمة
يخفق البيض لوحده جيدا ثم يضاف للسكر والزبده المخفوقة ويمزج جيدا ثم يضاف اللبن
ينخل الدقيق والكاكاو والقرفة والبيكنج بودر ويضاف للخليط بالتدرج ( يعنى مش نحط كله مرة واحده )
مع التقليب البطئ وفى اتجاه واحد عشان الهوا اللى فى العجين مايخرج
ملحوظة: عشان تحصلى على نتايج حلوة يستحسن تخلطى السكر والزبده باليد وتضربى البيض بالمضرب الكهربا وتقلبى العجين بعد
وضع الدقيق الملعقة الخشب وببطئ
يوضع فى صينية مدهونه زبده او زيت ودقيق وفى فرن سابق التسخين متوسط الحرارة لمدة 25 دقيقة
بعد ما تخرج نسيبها تهدى شويه عشان نعرف نطلعها من الصينية من غير ما تتهرى وتتقطع لانها لو اتقلبت وهى سخنه هتبوظ
لما نقلبها هتلاقى الجزء اللى كان فى قعر الصينية مسامى نسقيها بالشربات ولو عايزه تزوقيها بالكريمة لما تبرد
والله طعمها زى الجاتوه

البسبوسة
نص علبة جوز هند __1 و نص علبة سكر __ 2 علبة قشطة __ 3 علبة سميد بسبوسة .__ 1 علبة سمن __ 1 ملعقة صغيرةبيكنج بودر
حطى المقادير كلها على بعض و بالملعقة الخشب افضلى ادعكى فيها لحد ما تلاقيها نعمت
ادهنى صينية البسبوسة (اللى ملهاش حفة عالية اللى زى بتاعة البيتزا) بالسمن بالفرشاة
ثم ضعى المقدار فى الصينية و بلى ملعقة و امسحى و جة البسبوية عشان تساويها
و تدخليها فى الفرن
وممكن تضعى شوية لوز فى ماء ساخن لحد ما القشرة البنى بتاعتة تتقشر على طول . افتحى كل لوزة بالطول من النص و ر صصى الانصاص
على وش البسبوسة او ممكن انصاص بندق برضة و دخليها الفرن اول ما لونها يبقى ذهبى
طلعيها و اسقيها بالعسل الساخن و غطيها على طول و بالهنا و الشفا
كل المقدار بنفس العلبة بتاعة القشطة مش بالكوباية فاهمة قصدى اية ؟؟؟
قشطة المراعى او بوك او نستلة

المكرونة بالبشاميل
اولا طريقة عمل العصاج
نص كيلو لحمة مفرومة _ بصلة متوسطة مفرومة ناعم _ملح فلفل اسود _2 ملعقة كبيرة سمن _ بهارات لحمة
....اضع السمن على النار الى ان يسخن ثم اضع البصل الى ان يصفر ثم اضع اللحمة المفرومة و اقلب واحدة واحدة بالمعلقة الى ان تستوى
و يصبح لونها بنى اتبلها و اقلب ثم اشيلها من على النار .( اذا كنت عايزة العصاج بالصلصة اضيف للحمة على النار 2 ملعقة كبيرة صلصة طماطم
و نص كوب ماء و اخليها تيستوى و تتسبك)
ثانيا طريقة عمل البشاميل 3ملعقة كبيرة سمن _2 ملعقة كبيرة دقيق_ حليب -ملح فلفل-_ 2 بيضة مضروبة بالشوكة _ ملعقة كبيرة قشطة
....اعمل البشاميل احسن فى حاجة غويطة اضع السمن على النار الى ان يسيح
اضع الدقيق على نار هادية و اقلب تقليبة بسرعة
ابدء بالراحة انزل الحليب الدافى بايدى الشمال و ايدى اليمين عمالة تقلب بسرعة بحركة دائرية و هكذا الى ان اصل بالبشاميل الى التخن
اللى انا عايزاه اضع التوابل و البيض و اقلب تقليبة ثم اضع القشطة و اطفى النار و اقلب تقليبة
صينية المكرونة بالبشاميل 2بشاميل كيس مكرونة فرن (ريجينا )_ 2 بيضة مضروبين بالشوكة_ و عليهم رشة ملح و فلفل_ 3ملعقة كبيرة جبنة
رومى مبشورة
اسلق المكرونة فى ماء مغلى مع زرة ملح و ملعقة زيت
اصفيها من ماء السلق و اشطفها كويس بالماء البارد واصفيها فى المصفاة
احضر صينية و ادهنها بشاميل مش سمنة
اضع البيض المضروب على المكرونة و اخلط بايدى كويس
ثم اضع بشاميل على المكرونة و الجبنة المبشورة و اقلب اقلب المكرونة لحد بالنظر لما الاقيها كلها فيها بشاميل كويس
اضع نص المكرونة فى الصينية و اسوية كويس ثم اضع العصاج اللى يصلصة و اسويه كويس ثم اضع باقى المكرونه و اسويها
ثم اضع بشاميل على الوجة و افردة و اسوية كويس ثم ارش على الوش ملعقة كبيرة جبنة مبشورة و بيضة مضروبة ادخلها فرن متوسط الحرارة
لحد ما تستوى و وشها حيحمر
وممكن برضة لما تطلع من الفرن تغطى الصينية حتلا قيها طريت و بالهنا و الشفا

صينية سمك سهلة جدا و سريعة جدا كيلو ( مثلا )سمك فبلبة _حذمة كسبرة خضراء _حذمة بقدونس _بصلة كبيرة مخرطة _طماطماية كبيرة مخرطة _كوب زيت _ ملح _ فلفل _
كمون _
* ....بعد ما اغسل السمك
اخرط البقدونس بالسكينة و كذلك الكسبرة الخضراء
اضع كل المقادير على السمك و اقلبة كويس قوى
اتركة ساعة عشان يشرب من التتبيلة كويس
ثم اضعة فى صينية او طبق بايركس بدون ما اضع ماء لان هو حينزل مايتة و يستوى فيها. واغطية بورقة فويل
ادخلة الفرن الى ان بستوى ثم اشيل الورقة عشان وشه يحمر و بالهنا و الشفا
ملحوظة مش بياخد وقت خالص يعنى كبيرة نص سا عة

طبق مكرونة اسباجتي
=============
المقادير:
كيس مكرونة اسباجتي مقطع 3 اقسام <<<<< عشان المكرونة متكونش طويلة اوي و تبقى اسهل في الاكل
4 او 5 بصلات كبار
5 شرايح هامبورجر أو فرانكفورتر أو هوت دوج
4 وحدات فلفل اخضر (رومي)
ملح و فلفل اسود و كاري و رشة بهارات
3 ملاعق كبيرة خل
3 فصوص توم كبار
سمن او اي نوع زيت تفضلوه
نيجي للطريقة:
نسلق المكرونة و نخليها على جنب
نقطع البصل اربع ارباع و بعدين شرايح عريضة و نقلبها في المادة الدهنية اللي عندنا.
و بعدين نقطع الفلفل الاخضر اربع ارباع و بعدين شرايح عريضة و نقلبه مع البصل و بعدين التوم نقطعه شرايح رفيعة جدا جدا
و نقلب معاهم و بعدين البرجر او الهوت دوج يقطع مكعبات و يتقلب معاهم و بعدين نضيف التوابل و الخل و نضيف شوية ماء و نقلب
و كل شوية نضيف شوية ماء صغيرين اوي بس عشان البرجر يستوي، و لما يستوي تماما و برضه يكون فيه شوية ماء على خفيف
نضيف له المكرونة و نقلبها كويس و لما تسخن نطفي عليها. و نقدمها مع الكاتشب و المستردة و المايونيز.
صدقوني اكلة تحفة!!! و خفيفة جدا على المعدة و ممكن تكون عشاء او غدا او حتى فطار متأخر، لانها مش تقيلة على المعدة ابدا

الكبدة الاسكندراني
===========
المقادير
1\2 ك كبدة (طبعا الكميات ترجع لكل واحد)
3بصلات وسط
3 حبات فلفل رومي (بارد)
2 حبة طماطم
ملح و فلفل أسود و بهارات
فصين ثوم مدقوقين
ملعتين كبار صلصة طماطم
1\2 ملعقة خل
زيت ذرة
الطريقة:
تقطع الكبدة مكعبات صغيرة. يقطع البصل كالاتي: كل بصلة تقطع أربع إرباع و بعدين تقطعيها شرايح رقيقة نوعا.
الفلفل برضه يقطع نصفين و بعدين شرايح رقيقة. الطماطم برضه نقطعها اربع ارباع و تقطع شرايح رقيقة.
نجيب الطاسة التيفال و نضع فيها الزيت لكن مش كتير ممكن ملعقة طعام أو اتنين. نضع البصل و نقلب حتى يذبل
و لكن لا يصفر ثم نضيف الفلفل و نقلب حتى يذبل الفلفل كمان ثم نضيف الطماطم مع التقليب حتى تختلط بالباقي. ثم نضيف الكبدة
و نقلب و نتبلها بالتوابل المذكورة. أما الخل و الصلصة و الثوم الدقوق نخلطهم مع ذرة سكر و نقلبهم كويس لحد ميبقى عامل زي الكاتشب
و نضيفهم الى الكبدة بعد نضجها و لو محتاجة نقطة ميه ممكن نضيف شوية لكن الأفضل نسويها على نار هادية
تقوم الكبدة تنزل المية اللي فيها و لا نحتاج مية من برة. و تقلب ثم تطفي النار. و تؤكل مع الخبز و سلطة الطحينة و السلطة الخضراء.

الدجاج البروست
==========
المقادير:
دجاجة بصل- ملح و قلقل و بهارات- ليمون- خل ـ دقيق - زيت للقلي
الطريقة:
نقطع الدجاجة 8 قطع و نعمل شقوق بالسكينة في كل قطعة
نضرب البصل في الخلاط و نضيف له التوابل و الليمون و الخل ثم نتبل الدجاج و نحاول نضع التتبيلة في الشقوق اللي عملناها.
نترك الدجاج المتبل في الثلاجة يوم كامل (كل ما تركت أطول كل ما شربت من التتبيلة اكتر و أنا مرة تبلتها و تركتها في الديب فريزر اسبوع
و بعدين عملتها و كانت روعة!!)
نضع الزيت الغزير على النار حتى يسخن و بعدين نغمس كل قطعة دجاج في الدقيق (بدون بيض) ثم نقلي القطع على نار متوسطة
(لأنها لو حامية الدجاج يستوي من الخارج و ميستويش حلو من جوة و لو هادية حتاخد وقت كتير قوي انتي اتحكمي في النار احسن)
تخرج ذهبية اللون و نضعها على مناديل ورقية لتمتص الزيت ثم تقدم مع السلطات و الخبز او المكرونة

المحشي بأنواعه للمبتدئات في عالم المحشي
=========================
أولا: مقادير الخلطة:
2 ربطة بقدونس و 1 ربطة شبت مخرطين رفيع جدا (بالسكينة مش بالمفرمة)
2 كوب صلصة طماطم أو أكثر حسب حجم الكوب لديك (أنا بصراحة أعاير بالنظر)
5 بصلات كبار مبشورين
توابل: ملح و فلفل و بهارات و نعناع أخضر مطحون
سمن أو زيت ذرة حسب الرغبة
طريقة الخلطة:
نخلط الكونات ببعضها جيدا في طبق عميق ثم نضيف عليه 3 أو 4 أكواب من الأرز بعد تنقيته و غسله جيدا و نقلبه في الخلطة جيدا
بالنسبة للكرنب
نفصل أوراق الكرنب عن بعضها ثم نسلقها واحدة واحدة لمدة 2 أو 3 دقيقة في مياه تغلي بها كمون. ثم نصفي الاوراق في المصفة
ثم نقسم الاوراق إلى اوراق اصغر في حجم نصف الكف تقريبا. نضع في كل ورقة جزء من الحشوة ثم نلفها جيدا بحيث لا يتساقط منها الارز
عند رصها في إناء الطهي. نرص الاوراق فوق بعضها و عند انتهاء الكمية نضعها على النار و نضيف لها كمية من المرق المضاف اليه القليل من الملح
و صلصة الطماطم و السمن أو الزيت و لا يلزم ان تغطيه المرقة تماما. و عندما يغلي و تشعرين انه بدأ يتشرب المرقة خفضي النار له
و اتركيه حتي ينضج الارز و الكرنب نفسه.
ورق العنب:نحضر الاوراق و نمسك الورقة بالجزء الناعم ملاصق للكف أي الى اسفل و الجزء الخشن للداخل و نضع عليها جزء من الحشوة و نلفها
و نتبع نفس الخطوات السابقة مع الكرنب مع اضافة عصير ليمون للمرقة و نسويه بنفس الطريقة.
الباذنجان:
ننزع قلبه بعد أن نضغط عليه بكفنا قليلا لتطريته ثم نحشيه بالحشوة و لكن لا نحشيه حتي النهاية و لازم نترك فراغ عشان الارز يستوي براحته.
و نرصه في الاناء و نضع له المرقة حتى ثلثي الاناء و نسويه عادي زي الكرنب و و رق العنب.
الكوسة:
"نحكها" (مش عارفة بديل للكلمة دي) ثم ننزع قلبها و بعدين نحشيها و نسويها بنفس طريقة الباذنجان لكنها تاخذ وقت اقل منه في الطهي. و ممكن تحشى بدل الخلطة دي بلحم مفروم معصج و ترص في صينية ثم يوضع وقها بشاميل و تدخل الفرن. يعني ممكن بالطريقتين.
الفلفل الاخضر:
ينزع قلبه (البذور) و نحشيه و نترك مسافة بدون حشو و نسويه بالطريقة السابقة كالباذنجان.
الطماطم:
ننزع قلبها و لكن نترك جدارها سميك و نحشيها و نتبع نفس الخطوات في الطهي.
البصل:
نقشره و نغسله و ننزع جزءا من قلبه و نترك جدار سميك و نحشوه و نسويه بنفس الخطوات.

المسقعة باللحمة المفرومة المقادير:
1 ك باذنجان رومي
1/2 ك لحمة مفرومة
3 بصلات متوسطة
2 كوب عصير طماطم
2 ملعة صلصة طماطم
ملح و فلفل اسود و بهارات
زيت للقلي
2 ملعقة زيت
الطريقة:
الاول نجهز اللحمة المفرومة (العصاج)
نبشر بصلة و نضيف لها شوية ملح و فلفل اسود و بهارات و نقلبها كويس ثم نضيف اللحم
و نخلطه جيدا و نضيف كمية بسيطة من الزيت، حوالي نصف ملعقة و نضعها على النار
لتنضج على نار هادية، مع التقليب من فترة لأخرى.
بعدين نحضر طبق فيه ماء بملح، و نقشر الباذنجان و نقطعه حلقات سمك الحلقة
حوالي 1 سم و نضعها في الماء بالملح حتى لا يسود لون الباذنجان بسبب الحديد
و تعرضه للجو. بعدين نقلي الحلقات في زيت غزيرثم نضعها على ورق ليمتص الزيت الزائد.
في صينية فرن نضع ملعقة و نصف زيت و نقطع بصلتين قطع صغيرة
و نصفرها في الزيت الى ان تذبل، ثم نضيف عصير الطماطم و الملح و الفلف و البهارات
و نضيف ملعقة سكر (للتخفيف من الطعم اللاذع للطماطم). و نتركها تتسبك


صينيه الرقاق باللحمة المفرومة
المقادير:
1/2 كيلو رقاق
سمن سايح أو زيت حسب الرغبة
مرق لحم أو دجاج أو بط حسب نوع اللحم اللي حيقدم الى جانب الرقاق
1/2 كيلو لحم مفروم
بصلة كبيرة مبشورة
مقدار من السمن او الزيت لعمل العصاج
ملح- فلفل أسود- بهارات
الطريقة:
- نحضر صينية فرن و ندهنها بالسمن او الزيت.
- نقوم بغمس ورقة ورقة من الرقاق في وعاء به المرق قبل رصه في الصينية.
و عند رص الورقة في الصينية نقوم بدهن سطحها بالسمن او الزيت.
و عندما ننتهي من نصف كمية الرقاق، نفرد العصاج على السطح ثم نقوم
برص الجزء المتبقي من الرقاق بعد نفس الخطوات السابقة (غمسه في المرق
ورقة ورقة و مسحه بالزيت او السمن). و عندما تنتهي الكمية نقوم برش القليل
من المرق على الوجه باليد بحيث لا تكون كمية كبيرة و لكن كمية تكفي لتطرية الوجه،
ثم نقوم بتقطيع الرقاق بالسكين مربعات. ثم نقوم بدهن السطه بالسمن او الزيت.
- تجهيز العصاج يتم عن طريق بشر البصلة ثم وضع الملح و الفلفل و البهارات عليها
و اضافة القليل من السمن او الزيت ثم اضافة اللحم المفروم و التقليب على نار هادية
حتى ينضج اللحم.
- توضع صينية الرقاق بالفرن و عندما يحمر الرقاق من اسفل، نشغل الشواية من فوق
لتحمير السطح مع الانتباه حتى لا يحترق السطح. بعد خروج الصينية من الفرن
نقوم بتغطيتها بغطاء حتى "تعرق" أي يتصاعد بخار الماء بها فيساعد على تطرية الرقاق.
- تقدم قطع الرقاق و الى جانبها لحم محمر، دجاج محمر، بط محمر، شرائح ديك رومي،
بفتيك، دجاج بروست، كفتة لحم او دجاج، او اي نوع اخر من اللحوم او الدجاج،
مع السلطات الشهية مثل السلطة الخضراء و سلطة الفاصولياء الخضراء و بابا غنوج
و الطحينة و الحمص و غيرها

حلقات البصل

المقادير:
=======
3 بصلات حجم كبير
نصف كوب لبن
نصف كوب دقيق
1 بيضة
ملح و فلفل اسود و زعتر مطحون ناعم
بقسماط
زيت غزير للقلي
الطريقة:
=======
يقطع البصل حلقات بسمك 1 سم تقريبا للحلقة و تفصل الحلقات عن بعضها
نخلط الدقيق و اللبن و البيضة و التوابل جيدا و نغمس فيها الحلقات ثم نغلفها بالبقسماط
و نتركها في الثلاجة 3 أو 4 ساعات
نقلي الحلقات في زيت غزير حتى يصبح لونها ذهبي و نضعها على مناديل ورقية
لامتصاص الزيت الزائد

سلطه بابا غنوج:

المقادير:
=======
ربع كليو باذنجان أسود كبير
نصف كوب طحينه و مقدونس مفرى
ثلاثه ملاعق زيت
أربعه ملاعق كبيره من الخل
ثلاثه فصوص ثوم و ملح وكمون و شطه حسب الرغبه
الطريقة:
=======
يشوى البذنجان و يدق ناعما
يدق الثوم مع الملح و الكمون و يضاف إلى الطحينه و يقلب
يضاف الباذنجان و قليل من الشطه و يقلب جيدا و يزين بالمقدونس

المقلوبة بالقرنبيط (و ممكن بدله الباذنجان) و الدجاج (و ممكن بدله لحم)
============================== ===========
و على فكرة دي أكلة فلسطينية مش مصرية، بس حلوة جدا و انا باموت فيها و حتعجبكم ان شاء الله بس جربوها
المقادير:
=======
واحدة قرنبيط صغيرة تقسم إلى زهرات و تقلي بعد غمسها في خليط من الدقيق و البيض و الملح و الفلفل الأسود
2 كوب أرز منقى و مغسول
1 دجاجة متوسطة الحجم مسلوقة نصف سلق و مقطعة أربع إرباع
2 كوب مرق دجاج
3 بصلات كبار
3 طماطم كبيرة مقطعة حلقات
2 ملعقة كبيرة سمن
كركم، ملح، فلفل أسود، بهارات
الطريقة:
======
نقطع البصل قطع صغيرة و نصفره في السمن ثم نضيف له المرق و التوابل (الملح و الفلفل و البهارات و الكركم الذي يعطي الوجبة اللون الأصفر و الطعم المميز لها).
نحضر إناء الطهي و نرص فيه حلقات الطماطم ثم فوقها نرص القرنبيط المقلي ثم فوقها نرص الدجاج ثم نضع الأرز المغسول و نضيف المرق الذي أعددناه بعد أن يغلي.
عندا يبدأ الأرز في تشرب المرق نخفض النار و نتركه على النار لمدة 30 إلى 4- دقيقة. و عن التقديم يتم وضع صينية تقديم واسعة فوق الإناء ثم يقلب بحرص فيصبح الترتيب كالآتي: الطماطم على الوجه ثم القرنبيط ثم الدجاج فالأرز.

طاجن البامية باللحم الضأن في الفرن:
======================
المقادير:
=======
1 كيلو لحم ضأن
1 كيلو بامية
2 كوب عصير طماطم + 3 ملاعق كبيرة صلصة طماطم
2 ملعقة كبيرة سمن
2 بصلة كبيرة مقطعة قطع صغيرة جدا
4 فصوص ثوم كبار مدقوقين بالقليل من الملح
فلفل أسود و بهارات
1 كوب مرق
الطريقة:
=======
نحضر طاجن الفرن (يكون فخار و لو بايركس مش مشكلة) و نضع فيه السمن و نضيف البصل و نقلب حتى يصفر لونه قليلا ثم نضيف اللحم و نقلبه حتى يتغير لونه (نشوحه) ثم نضيف عصير الطماطم و التوابل و نقلب جيدا و نتركه على النار حتى يغلظ القوام ثم نشيف الصلصة و الثوم المدقوق و المرق و نتأكد من الملح و اذا احتاجنا نزوده نضيف القليل.
نضيف البامية إلى الخليط السابق و نقلب جيدا ثم ندخل الطاجن إلى الفرن و يطهى لمدة 1 ساعة الى ساعة و نصف

بالنسبة للملوخية لازم لازم لازم تكون الشوةربة بتغلى كويس جدا جدا قبل ماتحطى الملوخية و لازم تبتدى الاول بكوب واحد شوربة و فى ايدك التانية باقى الشوربة المغلية نزودى شوية شويةلحد ما تظبطى التخانة . بالنسبة للفول المدمس يفضل طبعا انك تنقعى الفول لمدة ساعتين قبل ما تعملية و نحطى معاة طماطماية و شوية عدس اصفر ضغيرين و حيطلع هايل و ممكن لما تحطية فى الثلاجة تخطية فى علبة بلاستيك و نعصرى على الوش لمونتين او ليمونة و تبقى تاخدى منة بالملعقة كل ما تعوزى حيبقى زى ماهو (تعقيب من دون)

حوواوشي
المقادير للعجينه:
1ملعقة سكر صغيرة
ا ملعقة خميرة كبيرة
3/4 كيلو دقيق
1 ملعقة زيت
كوب ماء
للخلطة:
3/4 كيلو لحم مفروم
8 بصلات مفرومين
ا ملعقة فلفل اسود وملح حسب الرغبة
2 ملعقة كبيرة زيت
بقدونس مفروم
الطريقة:
السكر + الخميرة فى ربع كوب ماء او اقل ويكون الماء دافى ويوضع فى مكان دافئ ومظلم لمده 10 دقائق ليخمر
نضع الدقيق ونفتحه من المنتصف ونضع عليه الخميرة + ملعقة الزيت ويقلب مع اضافة قليل من الماء( نص الكوب مثلا)ونزيد ماء كلما احتاج الخليط بحيث تكون النتيجه ان العجين لا يلزق فى اناء العجن
بعد تجانس العجين تعجن باليد لمده 5 دقائق حتى تصير يتمط قليلا ومتماسكة لا تقطع اثناء الشد تندى بالماء وتترك ساعة ثم تعجن مرة اخرى ل 5 دقائق وتترك نص ساعه
تقطع وحدات حجمها حسب الرغبة وتوضع فيها الخلطة السابقة وتغطى كل قطعه عجين بقطعه اخرى وتلزق الاطراف فى بعضها ونمسح وجهها بالماء باليد
توضع فى فرن ساخن لمده نص ساعه حتى تلاحظة ان الوجه احمر
او لنتيجه احسن توضع على بلاطه كبيرة داخل الفرن لتاخد نفس نتيجه الافران البلدي

اللحمة الباردة

بانسبة للحمة هى مش كتلة لحم ؟ هو عرق تلبيانكو مخصوص للحمة الباردة او الروزبيف بتغسليه كويس و تنشفية ثم تجيبى ملح وفلفل و بهارات و تدعكية كويس كلة من برة وبعدين تجيبى 5 فصوص ثوم صحيحة زى ماهى وترشى عليهم رشة ملح وفلفل ثم تعملى 5 شفوق فى العرق و تحشرى فىكل شق ثومة تجيبى دوبارة جامدة و تلفى العرق كويس (المفروض انه بيتلف بطريقة معينة علشان يتلف صح واللحمة ماتكلكعش)
المهم هاتى صينية بها 3 ملاعق سمن وفصين حبهان على فصينمستكة و حمرى العرق كويس من جميع الجهات لحد ما ياخد لون احمر حلو
ثم تضيفى الماء شوية شوية الى ان يستوى بياخد حوالى ساعة و نص
ثم تضعى الصينية فى القرن لحد ما الماء يتشرب والعرق ينشف شيليه من الفرن لما يبرد خالص فكى الدوبارة و لفى العرق فى فرخ ورق فويل و ضعيه فى الفريزر لمدة يوم ولما تبدؤا فى اكله يقطع سلايس رفيعه ولما تخلصى يلف فى الفويل تانى و يوضع فى الثلاجة و فى المناسبات يدهن التوست او البيتى بان بمسحة ذبدة و عليها شريحة الروزبيف بالنسبة للبنات حديثى الزواج اعملو اللحمة الباردة عندك جاهز لانه بيكون سريع انك تسحبى منة سواء عشاء او غذاء او السفر

المنين المصرى
1 كيلو دقيق (طحين)_ 1/2 1 كوب سمن سايح_ زرة ملح _1 ملعقة صغيرة شمر _1 ملعقة صغيرة يانسون _ 1 ملعقة صغيرة سكر _1 ملعقة خميرة فورية او قطعة خميرة بيرة فى حجم اليوسفى الصغيرة من عند الخباز _ 1/4 كوب ماء دافىء _من 1/2 ل 1 كوب حليب دافىء للعجن. 1 ملعقة كبيرة سمسم
الطريقة : ينخل الدقيق و الملح و نضع عليهم الشمر و اليانسون و السمسم.و الخميرة.
يقدح السمن على النار ثم نصبه على الدقيق ونبدء بالكبشة نقلب حتى يختلط السمن بالدقيق ونتركة شوية يبرد حتى تتحمل اليد درجة الحرارة ونبدء فى دعك العجينة كويس جدا ودة شرط نجاح المنين (نبس العجينة )
نضيف الحليب شوية شوية حتى تتكون عجينة متوسطة و تترك الاناء
نغطيها و نتركها فى مكان دافىء لتخمر
اى تذيد . بعد ماتخمر نبدأ فى تشكيلها اما نأخذ قطعة فى حجم اليوسفى الصغيرة وندورها كويس بين ايدينا و نضعها فى صينية مش مدهونة و نبطط خفيف بأيدنا عليها
او ناخد قطعة عجينة و بأيدينا الاثنين نبرم فيها امامنا على الترابيزة الى ان تصبح عصاية طويلة مبرومة نحضر السكينة و نقطع بالورب على مسافات متساوية وحدات المنين ثم نشيلهم بالراحة و نرصصهم فى الصينية و نبطط خفيف بأيدنا نترك المنين يخمر ثم ندخلة الفرن متوسط فى الرف الوسط حواللى 1/3 ساعة
ملحوظة : اذا استعملتى الخميرة بيرة يبقى تضعيها فى كوب مع السكر لحد ماتسيل خالص و بعدين تضعى الماء الدافىء و تقلبى و تتركى الكوب فى مكان دافىء لحد ماتلاقيها خمرت .ثم تضعيها على الدقيق بعد وضع السمن

الكيك
( يوجد للكيك حلة مدورة مخرومة من النص اسمها فورمة دى مقدار البيض بتاعها 5 بيضات __ ويوجد قالب طويل استنلس او تيفال او من الفويل بيتباع فى اى سوبر ماركت وهو شبه قالب التوست والصغير بياخد 3 بيضات و الكبير بياخد 4 بيضات . انابعمل ال 3 قوالب الكبار بياخدو نص كيلو ذبدة
اول حاجة تعمليها تشوفى انتى حتعملى الكيكة فى اية ؟؟؟ مثلا فى قالب واحد كبير وانتى خلاص عارفة انه بياخد 4 بيضات
يبقى تجيبى ال4 بيضات توزنيهم و شوفى طلعو كام؟؟ مثلا 200 جرام تجيبى الذبدة برضة توزنى نفس الوزن 200 جرام وتوزنى نفس الوزن سكر 200 جرام و هكذا مع الدقيق تمام ؟ وملعقة صغيرة فانيليا و ملعقة بيكنج بودر بتدهنى القالب سمن و ترشى رشة دقيق وبعدين تكبى باقى الدقيق الذيادة وكدة يبقى القالب جاهز لصب العجينة فية ( الكيكة ) لعمل 3قوالب كيك طويلة.
1/2 كيلو ذبدة _ 1/2 كيلو بيض _1/2 كيلو سكر _1/2 كيلو دقيق 2ملعقة صغيرة فانيليا _او 2كيس .كيس بيكنج بودر
الطريقة فى الخلاط اضربى الذبدة كويس قوى حوالى 5 دقائق
ضعى السكر على الذبدة و اضربى لحد ماتلاقيها بقيت خفيفة و هشة
ضعى عليهم البيض واحدة لحد ماتختفى و بعدين نضع التانية وهذا لحد اخر بيضة نضع معاها الفانيليا لحد ما تلاقى العجينة ما شاءالله تخنت و زادت
اطفى الخلاط ضعى البيكنج بودر على الدقيق و حطية شوية شوية على العجينة و يكون الخلط بالراحة قوى و فى اتجاة واحد فقط
صبى العجينة فى القالب المدهون الى 3/4 القالب وتكونى مولعة الفرن قبلها ب5 دقائق تضعى القوالب ولاتفتحى عليها قبل 10 دقائق على حرارة متوسطة لحد ماتلاقيها عليت و مسكت و استوت طبعا بطرف السكينة
خرجيها و اقلبيها على منخل سلك و سيبى القالب فوقها لحد ماتبرد
طريقة حفظ الكيكة ؛ قطعى قالب للاستخدام فى علبة بلاستيك
باقى القوالب لفى كل قالب لوحدة بالفويل و ضعية فى الفريزر و عند الطلب علية خرجية من الفريزر قبلها بساعتين حيكون كأنك لسة عملاة

صينية الكنافة بالمكسرات
عادة الصينية الصغيرة بتاخد نص كيلو كنافة و الوسط بتاخد كيلو الا ربع و الكبيرة كيلو _ كيلو الا ربع كنافة _ كوب سمن او حسب ماتاخد _ مكسرات مضاف لها ملعقة كبيرة سكراو جبنة راكوتا او مهلبية او كستر _ ( الشربات ) 2 كوب سكر _ 1كوب ماء _ نص ليمونة
الطريقة : اما تقطعى الكنافة صغير بأيدك قطع صغيرة .او بالمقص تقصقصيها صغير خالص و دى طريقتى المفضلة . او فى الكبة .
سيحى السمن على النار يعنى يادوب تسيح .وحطى على الكنافة شوية شوية وتدعكيها بأديكى الاتنين لحد ما تحسى ان الكنافة كلها بقيت مبلولة سمنة كدة خلاص ماتحطيش تانى .
ادهنى صينية بالسمن و حطى نص الكنافة ثم ضعى طبقة المكسرات المرغوبة
ثم ضعى باقى الكنافة و اهم حاجة بقى تضغطى بايدك عليها كويس او بغطاء حلة او بطبق ثم وزعى معلقة سمن على الوش
على درجة حرارة متوسطة فى الرف الوسط ضعى الصينية فى الفرن حتى تستوى و يحمر الوجة
بعدخروجها من الفرن تسقى بالشراب البارد
ملحوظة : فى حالة عمل الكنافة بأى نوع حشو غير المكسرات لا يضغط على الوجة حتى لا تخرج المهلبية مثلا من الاجناب و تتحرق و بالهنا و الشفاء

البسبوسة القنبلة

واحد كوب سميد سايب
واحد كوب جوز هند
واحد كوب سكر
بيضتان
باكو فانيليا
علبة ونصف زبادى
ملعقة صغيرة بيكنج باودر
نصف كوب سمن سائح
الطريقة (تخلط جميع المقادير حتى تتجانس )
الحشو
علبة قشدة
واحد ونصف كوب حليب
3 ملاعق نشا
الطريقة
نضع كوب الحليب على النار ونصف الكوب نذوب فيه النشا ونصبه على كوب الحليب اللى على النار ونقلب حتى يكون شبه سميك ونغلق ثم نضيف علبة القشدة ونقلب ونأتى بالصينية وندهنها سمنة ونرشها دقيق ونضع نصف كمية البسبوسة ثم الحشوة ثم باقى البسبوسة وفى الفرن حتى تستوى وتحمر تصير ذهبى نقوم بسرررررررررررررررررررعة نضيف لها الشربات الساخن المولللللللللللللللللع ونغطى الصينية بالفويل لمدة لا تقل عن نصف ساعة وشوفى الطعامة واللذاذ بس مش اللى فى الأزازة لااااااااااااا اللى فى الصينية



تدميس الفول المصري

1- اولا طبعا نقي الفول وفي نوع في مصر الفول كبير شويه
2--تحطي كبايه ونصف في ميه من العصر مثلا
3- وبعدي ن تحطي في قدره الفول طبعا الصغيرة الي موجوده في اي سوبر ماركت كبير
تحطي الفول بعد ما تغسليه وعليه ميه تقريبا ضعف الفول وبعدين انا بحطه على النار يغلي الاول وبعدين بكون مشغلة السخان الكهربا الصغير معرفش عارفينه والله لا
المهم بعد ميغلي غلوة على البوتجاز بحطه على السخان واضيف 1- فص ثوم
1- واحده طماطميه+ 3 معالق عدس اصفر+ او ربع معلقه بيكنج بودر او كربوناته
وطبعا ده عشان القشره بتاعت الفول متتعبش القولون
وتغطيه من بليل لحد الصبح على السخان واول ما تفتحي القدره حطي معلقه زيت اي زيت
واقفليه وبعدين حطيه في علبه بلاستك مقفوله وطبعا اول متفتحي القدرة شيلي الثوم زي ما هو وارميه وبعدين خدي على قد الي عاوزة تعمليه يوميا

صينية الكوسة بالبشاميل
المقادير:
1كيلو كوسة _ لحمة مفرومة معصجة _ زيت لتشويح الكوسة _2بيضة مضروبة بالشوكة _ ملح و فلفل . _ بشاميل
الطريقة:
طريقة البشاميل:
تحمر 2 ملعقة كبيرة دقيق في 2 ملعقة كبيرة زيت دون ان يتغير لونة ثم نضع شوية شوية حليب دافىء
و نقلب بسرعة بسرعة علشان ما يكلكعش منك (حوالى 2 كوب حليب ) او الى ان تصلى الى السمك المطلوب اضع ملح و فلفل و بيضة مخفوقة ,
يعمل العصاج كما سبق شرحنا بالصلصة
الطريقة:
نغسل الكوسة و تنجر بالسكينة المشرشرة و تقطع شرائح طويلة
ثم تقلي فى الزيت (قلى خفيف) و توضع فى مصفاة للتخلص من الزيت او على ورق المطبخ المخصوص لا متصاص الدهون او تسلق شرائح الكوسة فى قليل من الماء و الملح ثم تنشل لتصفى ماء السلق.
ندهن الصينية بحوالى ملعقة بشاميل و نوزعها كويس .
ثم نرصص طبقة من الكوسة نغطى بها القاع تقريبا نص كمية الكوسة
ثم العصاج ثم طبقة اخرى من الكوسة
تصب طبقة بشاميل على وش الصينية بحيث نغطى الكوسة
ثم نضع بيضة مخفوقة علي الوجه و ندخلها الفرن درجة حرارة متوسطة لحد وشها ما يحمر و بالهنا والشفا

صينبة المسقعه بالبشاميل
المقادير:
كيلو بزنجان اسود مكبب او حوالى 2 كبار _ زيت للتحمير _ لحمة مفرومة معصجة بالصلصة ._ بشاميل _ 1بيضة مضروبة بالشوكة للوجة .
ملح و فلفل اسود -
الطريقة:
قشرى الباذنجان وقطعية دوائر بالعرض بس حاولى يكونو مقاس بعض . حطى كمية البذنجان على مصفاة و رشية كلة بالملح علشان ما يسودش و علشان يخرج مايته و ما يشربش ز يت كتير اثناء القلى يعنى حوالى عشر دقايق .
سخنى الزيت فى مقلاية و حمرى البزنجان من الناحيتين
ثم ضعيه فى مصفاة ليصفى الزيت اللى فية او ضعية على ورق الامتصاص لكي يتشرب الزيت
جهزى صينية او طبق فرن (بايركس) و رصصى فية نص كمية البزنجان ثم ضعى طبقة من العصاج بالصلصة
ثم باقى كمية البزنجان
ضعى طبقة البشاميل على الوش و ساويها ثم ضعى بيضة مضروبة و ممكن انا بحب احط رشة جبنة اى نوع عندك .
دخليها الفرن تقريبا حوالى نص ساعة و بالهنا و الشفا.

الشيش طاووق التتبيلة عبارة عن:

عصير ليمونة كبيرة _5 فصوص ثوم مقشرين و مهروسين _ نصف ملعقة صغيرة زنجبيل بودرة ملح و فلفل _ 2ملعقة كبيرة صلصة طماطم _ 2 ملعقة كبيرة زيت
صدور دجاج مخلية ( فيلية ) حسب عددكم . تقطعيهم مكعبات متساوية مقاس واحد
تخلطى التتبيلة كلها و تحطيها على الدجاج و تسبيها فى التتبيلة مش اقل من 2 ساعات و ياريت لو تسيبيها طول الليل
بعد كدة تدخلى قطع الدجاج فى العيدان و بين كل قطعتين قطعة بصل و قطعة فلفل رومى و قطعة طماطم
و يا اما تشويهم على الشواية او تضعى فى مقلاية تيفال نقطتين ثلاثة زيت و تسويهم على الهادى قوى لحد ما يحمروا و بالهنا و الشفا

الفراخ البانية
صدور فراخ مخلية __ ملح و فلفل _2بيضة مضروبة بالشوكة مع 1/2 كوب حليب _ بقسماط ناعم _ دقيق .
تبلى الصدور باملح و الفلفل ثم ضعيها الاول فى الدقيق ثم تشيليها و تحطيها فى خليط البيض ثم فى البقسماط و ت
avatar
الهام ظاظا
المدير العام
المدير العام

عدد المساهمات : 163
تاريخ التسجيل : 30/03/2010
العمر : 52
الموقع : http://amr1414.yoo7.com/

الرجوع الى أعلى الصفحة اذهب الى الأسفل

رد: مأكولات مصرية

مُساهمة من طرف Admin في الخميس مارس 03, 2011 9:01 am

نايس توبيك تقبل مرورى

-=-=-=-=-=-=-=-=-=-=-=-=-=-

-=-=-=-=-=-=-=-=-=-=-=-=-=-=-=-

-=-=-=-=-=-=-=-=-=-=-=-=-=-=-=-=-=-




avatar
Admin
Admin
Admin

عدد المساهمات : 909
تاريخ التسجيل : 29/03/2010
الموقع : amr1414.yoo7.com

http://amr1414.yoo7.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى