أيه رأيكم لو نتعلم حاجات بسيطه وبتكلفة بسيطة وتبقا مشروع

من طرف **الهام ظاظا** الجمعة أبريل 02, 2010 3:50 pm

رأيكم لو نتعلم حاجات بسيطه بتكلفه بسيطه وتبقى مشروع صغير نبدأ بيه

--------------------------------------------------------------------------------

السلام عليكم ورحمتة الله وبركاته
اخواتى العزيزات ايه رأيكم لو نتعلم مع بعض حاجات بسيطه تصلح ان تكون نواه لمشروع صغير يكبر ان شاء الله بالمثابره والاجتهاد وبتكلفه بسيطه ولكن لازم يكون فى شروط فى المشتركه
اولا تكون محبه للاعمال الفنيه
ثانيا تكون عندها دافع قوى للنجاح واثبات الذات
وان شاء الله ممكن ابدأمعاكم بكام فكره كده تنفع لمشروعات صغيره واى اخت عندها افكار وممكن تعلمهالنا تتفضل وبكده ممكن نقضى على البطاله ونشغل وقت الفراغ بشئ مفيد وممكن يدر دخل على الاسره
امثله للافكار الى ان شاء الله نتعلمها مع بعض

اولا: فن الخياميه

وده عباره عن استخدالم بقايا الاقمشه (القصاقيص) يعنى فى عمل منجات فنيه زى الطرح المفارش التبلوهات الخداديات الجزامات اللحفه غطاء تلفزيزن وما شابه

ثانيا:عجينه السراميك

ودى عباره عن عجينه من النشا والغراءالسريع بنسب معينه وبيتعمل بيها حاجات كتيره وافكار كتيره مثل دبابيس الطرح توك الشعر البراويز وغيره من الافكار

ثالثا :عمل الشنط والتطريز

عليها باستخدام الاقمشه والخامات البسيطه

اخواتى اللى عاوزه تتعلم ونبدا المشروعات تسجل اسمها وان شاء نحدد بعد كده موعد نبدا بيه ويكون مناسب للجميع عشان تكون كل خطوه تم استيعابها من الجميع قبل ان ننتقل للخطوه التى تليها

وفقنا الله جميعا الى ما يحب ويرضى فى انتظار مشاركاتكم ان شاء الله والسلام عليكم ورحمة الله وبركاته

شرح - نبدأ بسم الله

السلام عليكم ورحمة الله وبركاته
اخواتى العزيزات شكرا لتشجيعكم على الموضوع ويلا بينا بسم الله نبدأ
الدرس الاول
افكار بسيطة لعمل اعمال فنية
الخيامية وهى عبارة عن الرسم والتصميم باستخدام قطع الاقمشه
الشرح
احنا علشان نبدا محتاجين مجموعة من قصاقيص القماش ودى بتكون بواقى اقمشه وبعدها
-نحضر قطعة من القماش السادة وممكن تكون عباره عن جونله قديمة او ما شابه يعنى اى قطعه ملبسيه تم الاستغناء عنها نستعملها فى اشياء اخرى
-نرسم على هذة القطعه اى رسمه بسيطه ولو تكن مجموعة من الورود او الاشجار او حتى الى معنوش موهبة فى الرسم ممكن يبدا بتصميم عبارة عن اشكال هندسيه
-نبدا بعد كده استعمال قصاقيص الاقمشة بدل من الالوان
-مثلا لو كان التصميم عبارة عن طائر نستخدم قطعة من القماش كجسم للطائر وقطعة اخرى للراس وقطعة للجناح وهكذا وبذلك يكون التصميم بالوان مختلفة
-يتبقى بقى ازاى نستخدم الاقمشة نضعى القماش على التصميم ويتم تثبيته بالابره والخيط بغرزه بسيطه تشبه الرف يعنى على قد ما نقدر الخياطة ما تظهرش
افكار للخياميه
ممكن يكون التصميم لخدادية او مفرش او شنطه او مريلة مطبخ او تابلوه وده حسب الرسم والتصميم وياريت نجرب اول درس ولو على مساحة صغيرة وفى انتظار الردود وشكرا مرة اخرى على التشجيع وياريت تكون الفكرة وصلت وهحاول ادعم بالصور ان شاء الله